第一次聽到《填詞魂》呢首歌，唔知點解，不自覺會諗起《IT狗》阿信食麵嘅呢場戲。可能大家都有種努力過，但係唔甘心嘅失落。俾人標籤「狗」同「L」，其實都係因為有啲人不計成果，依然「努力」同「執着」。有時熱血，唔一定來得咁高溫，我諗總有人會共鳴；見到羅穎詩戲中嘅眼淚，同樣都見到阿信嘅影子，同樣係好多追過夢嘅人嘅眼淚。 二刷過《填詞L 》，我就百般滋味在心頭。如果一味話係追夢，可能會覺得俗套，又或者香港呢個地方，已經訓練到我哋唔好再提「夢想」兩個字，發個夢都要俾人評頭品足，批判一番。 兩個好友，見證住佢哋排除萬難，攞住嚿錢唔係買個車位，係走去拍一套想同觀眾分享嘅清新小品。條條路都話唔行得，所以佢哋冒險嘗試吓一條新嘅路，而家食包煙仲貴過睇戲，我衷心同大家分享吓，無論你係「狗」定「L」，邀請入場睇吓《填詞L 》。 #填詞L #IT狗 norris_wong_lyricist norrislyricist bosscaiola lyricistl.movie chungsaid yushan810 siulungling rexeast