⁨ “കഴുതപ്പാലിൽ വിപ്ലവം സൃഷ്ടിച്ച് മലയാളി സംരംഭകൻ: ലോകം കീഴടക്കി ‘ഡോൾഫിൻ ഐബിഎ’ കേരളത്തിൽ നിന്നുള്ള എബി ബേബി എന്ന സംരംഭകൻ, കഴുതപ്പാൽ ഉപയോഗിച്ച് നിർമ്മിക്കുന്ന സൗന്ദര്യവർദ്ധക ഉൽപ്പന്നങ്ങളിലൂടെ ആഗോളതലത്തിൽ ശ്രദ്ധ നേടുന്നു. ഐടി മേഖലയിലെ തന്റെ ജോലി ഉപേക്ഷിച്ച്, സൗന്ദര്യവർദ്ധക രംഗത്തെ സാധ്യതകളെക്കുറിച്ച് എബി ആഴത്തിൽ പഠിച്ചു. ഈ ഗവേഷണത്തിനൊടുവിൽ, കഴുതപ്പാലിന്റെ അദ്വിതീയമായ ഗുണങ്ങൾ സൗന്ദര്യവർദ്ധക ഉൽപ്പന്നങ്ങളിൽ വിനിയോഗിക്കാമെന്ന് അദ്ദേഹം കണ്ടെത്തുകയായിരുന്നു. ആദ്യം സ്വന്തം അടുക്കളയിൽ ചെറിയ തോതിൽ പരീക്ഷണങ്ങൾ ആരംഭിച്ച എബി, പിന്നീട് ഒരു കഴുത ഫാം സ്ഥാപിക്കുകയും കഴുതപ്പാൽ അധിഷ്ഠിത സൗന്ദര്യവർദ്ധക വസ്തുക്കൾ നിർമ്മിക്കുന്നതിനായി ഒരു ഫാക്ടറി ആരംഭിക്കുകയും ചെയ്തു. ‘ഡോൾഫിൻ ഐബിഎ’ (Dolphin IBA) എന്ന പേരിൽ അദ്ദേഹം തുടങ്ങിയ ഈ ഓർഗാനിക് സ്കിൻകെയർ ബ്രാൻഡ് ഇന്ന് ഷവർ ജെൽ, ഷാംപൂ, ഫേഷ്യൽ കിറ്റുകൾ, സ്കിൻ ക്രീമുകൾ തുടങ്ങി നിരവധി ഉൽപ്പന്നങ്ങൾ വിപണിയിലെത്തിക്കുന്നു. 2,400 രൂപ മുതൽ 7,000 രൂപ വരെയാണ് ഈ ഉൽപ്പന്നങ്ങളുടെ വില. ‘ഡോൾഫിൻ ഐബിഎ’ ഉൽപ്പന്നങ്ങൾക്ക് ഇന്ന് ആഗോളതലത്തിൽ ആവശ്യക്കാരുണ്ട്. ലോകമെമ്പാടുമുള്ള 40-ലധികം രാജ്യങ്...