జ్ఞాన శిఖరం తరతరాల కులదురహంకార దౌర్జన్యాలకు ఎదురు నిలిచి, ఆటంకాలను అధికమించి, కుట్రలు,కుతంత్రాలు జయించి, అపారమేధస్సు సముపార్జించి, ఖండాంతరాల కీర్తి సాధించి, పీడితులకు పీనల్ కోడ్ ప్రొటెక్షన్ ఇచ్చి, తరతరాలుగా తొక్కిపెట్టిన బహుజన గొంతులకు ప్రశ్నించే బలాన్నిచ్చి, అసమానతల ఊబి నుండి సమానవత్వపు శిఖరానికి బాటలు వేసి, ఎన్నిక లేనివారిని ఎన్నికల నిర్ణేతలను చేసి, పామరులు పండితులుగా, పాలితులు పాలకులుగా, కులవృత్తి బందీలు సకల వృత్తి బంధువులుగా, వంటింటి బానిసలు చట్టసభల ప్రతినిధులుగా, ఎదిగే హక్కులు కల్పించి, మన తలరాతలను తిరగ రాసుకునే అవకాశాలు కల్పించిన నవ భారత నిర్మాణకుడు. మానవత్వ కోణమున్న ప్రతివానికీ మహనీయుడు. అనుభవిస్తున్న హక్కులు గుర్తించిన వారికి పూజ్యనీయుడు. " మా పూర్వ విద్యార్థి" అని చెప్పడానికి పాశ్చాత్య విశ్వవిద్యాలయాలు పరవశిస్తున్న జ్ఞాన జ్యోతి! అసమానతలు, అజ్ఞానం, విద్వేషాలు,ఆధిపత్యం అనే విషాగ్నులు అణువణువునా నింపుకుని దళిత నాయకుడని ప్రచారం చేయడానికి పోటీ పడుతున్న స్వార్థశక్తులకు సింహస్వప్నం!. మేధస్సును మదించిన ప్రపంచం కీర్తించింది *జ్ఞానశిఖరం* (A Symbol of knowledge) అని. స్వాభిమానా...