Эмори университетінің нейробиологы Грегори Бернс бастаған бұл зерттеу мынаны көрсетеді: көп иттер үшін иесінің еркелеткені мен «жарайсың» деп мақтағаны кәдімгі тамақтан немесе басқа иттермен ойнағаннан да күштірек әсер етеді екен. Осыдан-ақ иттердің адамға неге сонша бауыр басып қалатынын жақсы түсінуге болады. ​Бернс иттерді түрлі ойыншықтарды тамақпен немесе мақтаумен байланыстыруға үйретіп, сосын олардың миы қалай жұмыс істейтінін бақылапты. Мақтауға қатты реакция берген иттер әрдайым тамақты тастап, өз иесіне қарай жүгірген. Бұл оның алдындағы зерттеуін де дәлелдей түсті: ол кезде иттердің миы басқа адамдар немесе иттердің иісіне қарағанда, дәл өз иесінің иісіне қаттырақ реакция беретіні анықталған болатын. ​Қысқасы, не түйеміз? Иттер тек тамақ үшін ғана жағымпазданбайды, олар шын мәнінде бізбен бірге болғысы келеді. Сондықтан оларды жай ғана мақтап, жақсы көретініңізді білдіру — дұрыс тәрбие берудің ең мықты әрі пайдалы жолы. ​Дереккөз: Social Cognitive and Affective Neuroscience....