Даун синдромы (немесе 21-трисомия) адамда 21-хромосоманың артық көшірмесі пайда болғанда туындайтыны белгілі. Жақында ғалымдар осы синдромы бар адамдардың діңгекті және тері жасушаларын зерттеп, ондағы әлгі үшінші, артық хромосоманы сәтті алып тастады. ​Бұл редакциялау артық хромосоманы жойып қана қоймай, гендердің қалыпты жұмысын толық қалпына келтірді. Бұрын-соңды ғылымда мұндай ауқымдағы жетістік болмаған еді. Бұл күрделі процесс барысында әйгілі CRISPR-Cas9 технологиясы қолданылып, дәлдікті арттыру үшін жасушаның өз ДНҚ-сын қалпына келтіру механизмі уақытша тежелген. ​Әзірге бұл тек зертхана аясындағы жаңалық болғанымен, ол «ешқашан емделмейді» деп келген генетикалық ауруларды жеңуге үлкен үміт сыйлап отыр. Егер бұл әдіс толық жетілдіріліп, қауіпсіздігі дәлелденсе, болашақта оны тіпті ана құрсағында жатқан сәбиге немесе мидың ең маңызды жасушаларына қолдануға мүмкіндік туады. Бұл технология тек Даун синдромын ғана емес, көбіне сәбидің ерте шетінеуіне әкелетін 13 және 18-трисомия си...