સીતાપુર પાસે દેવભૂમિ ભંગાર ગોડાઉનમાં ભીષણ આગ શોર્ટ સર્કિટથી લાગેલી આગમાં કપાસના મોજાનો જથ્થો ખાક; MSILના બે ફાયર એન્જિનની ઝડપી કામગીરીથી મોટો અકસ્માત ટળ્યો માંડલ માંડલ તાલુકાના સીતાપુર ગામ નજીક તા18મે ના રોજ જાપાનીઝ કોલોની સામે નહેર પાસે આવેલ દેવભૂમિ ભંગારના ગોડાઉનમાં બપોરે અંદાજે 2:15 કલાકે અચાનક ભીષણ આગ લાગતાં વિસ્તારમાં ભારે અફરાતફરીનો માહોલ સર્જાયો હતો. પ્રાથમિક તપાસ મુજબ શોર્ટ સર્કિટના કારણે આગ ભભૂકી ઊઠી હોવાનું સામે આવ્યું છે. આગ લાગવાની જાણ થતાં જ MSILના બે ફાયર એન્જિન તાત્કાલિક ઘટનાસ્થળે દોડી આવ્યા હતા અને સતત પ્રયાસો બાદ આગને કાબૂમાં લઈ સંપૂર્ણપણે ઓલવી નાખી હતી. માહિતી અનુસાર દેવભૂમિ નામના આ ગોડાઉનના એક વિભાગમાં મોટા પ્રમાણમાં કપાસના મોજાનો જથ્થો સંગ્રહિત કરવામાં આવ્યો હતો. આગ ઝડપથી ફેલાતા થોડી જ વારમાં સમગ્ર જથ્થો આગની લપેટમાં આવી ગયો હતો અને તમામ મોજા બળી ખાક થઈ ગયા હતા. ઘટનાના સમયે ગોડાઉનમાં કામદારો હાજર ન હોવાથી કોઈ જાનહાનિ નોંધાઈ નહોતી, જેના કારણે મોટી દુર્ઘટના ટળી હોવાનું સ્થાનિકોમાં ચર્ચાઈ રહ્યું હતું. આગની જ્વાળા અને ધુમાડાના ગોટેગોટા દૂર સુધી દેખાતા આસપાસના લોકો સ...