انا مش بعمل تقييم، انا بحكي موقف حصل معايا. والطيران القطري اصلًا من احسن شركات الطيران عشان كده مستغرب اللي حصل. هم من شهر غيروا التذكرة وخلو الترانزيت 28 ساعة بدل 19 ساعة. تمام. فجأة من يومين قالولي لازم نغيرها علشان الترانزيت بقى اكتر من 24 ساعة. طب ما التذكرة بقالها شهر كده ومحدش خد باله؟ قالولي الحل ترانزيت 4 ساعات. قولتلهم كده الرحلة كلها باظت بالنسبة ليا. بعدين قالولي فيه حل تاني، اسافر يوم بعده وهيبقى فيه هوتيل. تمام، غيرت حجوزات تانية على اساس الكلام ده. بعد كام ساعة رجعوا قالوا لا مش هينفع والهوتيل اترفض ولو مش مناسب الغي التذكرة وخد فلوسك. فالنتيجة دلوقتي اني بعد ما كنت هقعد يوم كامل في قطر، بقيت 4 ساعات بس وغالبًا مش هطلع من المطار اصلا. المشكله مش الهوتيل المشكله الطياره نفسها محصلش اي تغير فيها. يعني ينفع ادخل وأحجز نفس التذكره تاني طب ليه غيرتها ليا؟ #قطر #doha #qatarairlines