પશ્ચિમ એશિયામાં ચાલી રહેલો યુદ્ધનો સંઘર્ષ હવે વૈશ્વિક આર્થિક કટોકટી તરફ વળ્યો છે, જ્યાં ઈરાનના રિવોલ્યુશનરી ગાર્ડ્સ (IRGC) એ વ્યૂહાત્મક રીતે અતિ મહત્વપૂર્ણ ગણાતી હોર્મુઝની સામુદ્રધુની (Strait of Hormuz) ને 'સંપૂર્ણપણે બંધ' કરવાની સત્તાવાર જાહેરાત કરી છે. ગેરકાયદે રૂટ પરથી પસાર થઈ રહેલા અને નેવિગેશન સિસ્ટમ બંધ રાખનારા એક વિદેશી કન્ટેનર જહાજ પર ઈરાને મિસાઈલ અને ડ્રોન વડે હુમલો કરવાનો દાવો કર્યો છે. આ ઘટના બાદ અમેરિકી રાષ્ટ્રપતિ ડોનાલ્ડ ટ્રમ્પે ૧,૦૦૦ મિસાઈલો તૈયાર હોવાની ખુલ્લી ધમકી આપી ઈરાનને હોર્મુઝ સ્ટ્રેટ ખોલવા માટે ૨૪ કલાકનું અલ્ટીમેટમ આપ્યું છે. વિશ્વના ત્રીજા ભાગનું કાચું તેલ આ જ માર્ગ પરથી પસાર થતું હોવાથી આ નાકાબંધીને કારણે આંતરરાષ્ટ્રીય બજારમાં ક્રૂડ ઓઈલના ભાવ ભડકે બળવાની અને ભારત સહિત સમગ્ર વિશ્વમાં મોંઘવારી બેકાબૂ થવાની આશંકા સેવાઈ રહી છે. #StraitOfHormuz #IranUSConflict #GlobalCrisis #CrudeOilPrices #MiddleEastTension #BreakingNews #DonaldTrump #IRGC #WorldEconomy #PetroleumCrisis #SamacharDiary