બહુચરાજી દર્શનાર્થે જતા લાખો શ્રદ્ધાળુઓ અને સ્થાનિક લોકો માટે અત્યંત આનંદના સમાચાર સામે આવ્યા છે. કટોસણ રોડથી રણુજ વચ્ચે ૬૩ કિલોમીટરના ટ્રેક પર ૧૨૦ કિલોમીટર પ્રતિ કલાકની ઝડપે દોડતી સુપરફાસ્ટ ટ્રેનનું સફળ ટ્રાયલ પૂર્ણ કરવામાં આવ્યું છે. ભારતીય રેલવે અને જી-રાઇડ (G-RIDE) ના સંયુક્ત સાહસથી અંદાજે રૂ. ૧,૦૦૦ કરોડના ખર્ચે તૈયાર કરાયેલી આ લાઇન પર ૧૪ આધુનિક સ્ટેશનો અને ૧૦૦ થી વધુ નાના-મોટા પુલો બનાવવામાં આવ્યા છે, જેમાં બહુચરાજી સ્ટેશનને ખાસ ધાર્મિક થીમ પર સજાવવામાં આવ્યું છે. રેલવે સંરક્ષણ આયુક્ત (CRS) દ્વારા ત્રણ દિવસ સુધી મોટર ટ્રોલી, સિગ્નલિંગ અને ઈલેક્ટ્રીફીકેશન સિસ્ટમની ચકાસણી કર્યા બાદ આખરી મંજૂરી આપવાની પ્રક્રિયા હાથ ધરી છે. આ રૂટ શરૂ થવાથી મહેસાણા અને પાટણ જિલ્લાના વેપાર તથા ઔદ્યોગિક ક્ષેત્રને નવી ગતિ મળશે અને મુસાફરી વધુ આરામદાયક તેમજ સસ્તી બનશે. #BahucharajiNews #IndianRailways #TrainTrialSuccessful #KatosanToRanuj #MehsanaNews #PatanNews #GujaratInfra #RailwayUpdate #DevoteesRelief #BreakingNewsGujarat #SamacharDiary