સુરેન્દ્રનગર જિલ્લાના લીમડી શહેરમાં પવિત્ર રથયાત્રા યોજાય તે પૂર્વે જ એક અત્યંત દુઃખદ સમાચાર સામે આવ્યા છે. રથયાત્રાની શોભા વધારતા 'લક્ષ્મી' નામના ગજરાજનું અચાનક મોત નીપજ્યું છે. ધાર્મિક ઉત્સવની શરૂઆત થાય તે પહેલાં જ ગજરાજે અંતિમ શ્વાસ લેતા સમગ્ર લીમડી પંથકના સ્થાનિક શ્રદ્ધાળુઓ અને રથયાત્રાના આયોજકોમાં ઘેરા શોકની લાગણી ફરી વળી છે. ઘટનાની જાણ થતાં જ વન વિભાગની ટીમ સ્થળ પર પહોંચી હતી અને ગજરાજના મોતનું સાચું કારણ જાણવા માટે કાયદેસરની તપાસ હાથ ધરી છે. આ દરમિયાન શ્રદ્ધાળુઓની આસ્થાને ધ્યાનમાં રાખીને ગજરાજની જે સ્થળે દફનવિધિ કરવામાં આવશે ત્યાં એક ભવ્ય ગણેશ મંદિર બનાવવાનો ભાવુક નિર્ણય પણ લેવામાં આવ્યો છે. #Limbdi #RathYatra #ElephantLakshmi #LimbdiNews #Surendranagar #Gajraj #BreakingNewsGujarat #GujaratSamachar #SadNews #SamacharDiary