過去幾年，我拍《IT狗》拍到2.0，由創業嘅荒謬，講到守業嘅艱難。大家睇住劇中角色為咗科技感而夾硬加個 App，又或者單靠吹水寫份靚 Pitch Deck 去呃 funding、搞各種搭雞棚嘅科網神話，可能笑得好開心。 但喜劇背後，現實嘅初創世界往往殘酷得多。 尤其係去到 AI 世代，寫 Code 同整 Prototype 嘅門檻已經降到極低。當所有人都可以輕易揼個 App 出嚟嘅時候，單靠一條天馬行空嘅好橋根本不堪一擊。只要你一對外 Present，對手聽朝就可以用 AI 零成本抄走你嘔心瀝血度出嚟嘅 Idea。 喺劇集入面，主角可以靠滿腔熱血同主角光環去過關；但喺現實嘅商業世界，投資者最睇重嘅，係你間初創真正嘅核心價值，同埋有無抄唔走嘅「防守力」。 如果你唔想做下一個被時代淘汰嘅「信狗」，與其喺技術樽頸度自己揼石仔死磨，不如直接企喺巨人肩膀上，借大廠嘅大絕。 做創作，我哋成日會玩命題作文；而喺 Startup 界， IPHatch Asia 亞洲知識產權創業比賽，正正就係一場最高規格嘅命題創業 ！大會將 Panasonic、Nokia、Ricoh、Casio、Murata 同 Nitto 等跨國巨頭，以及日本知名大學嘅深科技專利攤出嚟做創業題目 。 我試下攞《IT狗》入面嘅發明做示範 。大家記唔記得星之子 Tony 嗰隻智能水杯，同埋嗰部淨係識得喺 Office 行行企企嘅機械人 Beta ？ 如果隻智能水杯唔係淨係彈 Notification 提你飲水咁小學雞，而係識結合 Murata 嘅 MindSense Monitor 專利，透過生理數據測到你嘅情緒壓力指數⋯⋯成件事即刻由一個爛 gag，變成極具防守力嘅 Deep Tech 心理健康設備！ 又或者嗰部機械人 Beta，如果結合來自 Casio 嘅適應性視覺處理 Adaptive Vision Processing 專利，賦予佢極精準兼低運算成本嘅人臉及周邊變化偵測能力⋯⋯佢就唔只係一隻寫字樓大玩具，而係對手無法抄襲、識得自動巡邏同做環境分析嘅智能視覺管家！ 只要有獨特嘅市場觸覺，將你嘅 Idea 結合呢啲現成專利化為落地應用，就有機會直接贏走專利擁有權！有咗呢道技術護城河，投資者、生意夥伴見到亦自然對你投下信任一票。 拍戲，我鍾意問觀眾問題而唔畀標準答案；但創業，你必須為自己嘅生存搵...